Al Nino Effect : पॅसिफिक महासागरातील एल निनो परिस्थितीचा प्रभाव पुढील दोन महिन्यांत कमी होण्याची शक्यता आहे. एप्रिल महिन्यापासूनच एल निनो सामान्य होईल, ला निना परिस्थिती पावसाळ्यात येण्याची शक्यता जास्त आहे.
यूएस नॅशनल ओशनिक अँड अॅटमॉस्फेरिक अॅडमिनिस्ट्रेशन (NOA) च्या क्लायमेट प्रेडिक्शन सेंटर (CPC) ने हा अंदाज जाहीर केला आहे. जगभरातील 16 मॉडेल्सवर आधारित अंदाजानुसार, पुढील दोन ते तीन महिन्यांत एल निनोचा प्रभाव कमी होण्याची शक्यता आहे. एप्रिल ते जून दरम्यान, पॅसिफिक महासागराच्या पृष्ठभागाचे तापमान सामान्य पातळीवर म्हणजेच तटस्थ राहण्याची 73 टक्के शक्यता आहे.
विषुववृत्तीय पॅसिफिक महासागरावरील तापमान ऑगस्ट-सप्टेंबरच्या पावसाळ्याच्या उत्तरार्धात आणखी थंड होण्याची शक्यता आहे आणि तेथे ला निना तयार होण्याची 50 ते 60 टक्के शक्यता आहे.
एल निनोची स्थिती कमकुवत झाल्यामुळे भारतात मान्सून हंगामात चांगला पाऊस होण्याची शक्यता आहे. भारतात बहुतेक वर्षांमध्ये ला निना परिस्थितीत सामान्य किंवा सरासरीपेक्षा जास्त पाऊस पडतो
ही बाब शेतकऱ्यांसाठी दिलासा देणारी ठरणार आहे कारण एल निनो संपण्याची आणि ला निनाची स्थिती निर्माण होण्याची चिन्हे आहेत. गेल्या वर्षी एल निनोच्या प्रभावामुळे भारतात मान्सूनचा पाऊस सरासरीपेक्षा कमी होता. त्यामुळे अनेक भागात दुष्काळी परिस्थिती निर्माण झाली. मात्र, यंदा चांगला पाऊस पडण्याची शक्यता असल्याने शेतकऱ्यांना चांगले पीक येण्याची आशा आहे.
आपला बळीराजा : WhatsApp Group वर सामील होऊ शकतात.