Weather Forecast : बंगालच्या उपसागरात कमी दाबाचे क्षेत्र निर्माण झाल्यामुळे सोमवार आणि मंगळवार राज्यासह देशाच्या काही भागात अवकाळी पाऊस पडेल, असा भारतीय हवामान खात्याचा अंदाज आहे. यासोबतच तापमान वाढून थंडीची तीव्रता कमी होईल, असे IMD ने म्हटले आहे. शेतकऱ्यांनी पिकांची काळजी घ्यावी, असा सल्लाही देण्यात आला आहे
आजचा हवामान अंदाज | Weather Forecast
फेब्रुवारीचा दुसरा आठवडा सुरू होताच राज्यासह देशातील हवामानात झपाट्याने बदल होऊ लागला आहे. सकाळच्या वेळी कडाक्याची थंडी आणि दिवसभर उन्हाचा कडाका जाणवत आहे. आजपासून पुढील दोन ते तीन दिवस राज्यात हलका ते मध्यम पाऊस पडेल, असा अंदाज हवामान खात्याने वर्तवला आहे.
13 फेब्रुवारी दरम्यान मध्य भारत आणि पूर्व भारतात तापमानात वाढ होईल, असे हवामान खात्याने म्हटले आहे. ढगाळ आकाशामुळे काही भागात अवकाळी पाऊस पडेल. आजपासून दोन ते तीन दिवस विदर्भ आणि मराठवाड्यात पावसाचा इशारा देण्यात आला आहे.
महाराष्ट्रात कुठे पाऊस पडणार?
विभागप्रमुख, पुणे हवामान विभाग. डॉ. के. एस होसाळीकर यांनी ट्विट करून राज्यात पावसाचा अंदाज व्यक्त करणारी माहिती शेअर केली आहे. होसाळीकर यांनी दिलेल्या माहितीनुसार, राज्यातील जळगाव, सांगली, सोलापूर, छत्रपती संभाजीनगर, बीड, नांदेड, लातूर परिसरात हलका पाऊस पडण्याची शक्यता आहे.
याशिवाय विदर्भातही काही ठिकाणी हलका पाऊस पडण्याची शक्यता आहे. होसाळीकर यांनी आपल्या पोस्टमध्ये म्हटले आहे की, “जालना, हिंगोली आणि परभणी जिल्ह्यात विजांच्या कडकडाटासह वादळ, हलका ते मध्यम पाऊस आणि ताशी 30-40 किमी वेगाने जोरदार वारे वाहण्याची शक्यता आहे.”
आपला बळीराजा : WhatsApp Group वर सामील होऊ शकतात.
