Crop Insurance : नाशिक जिल्ह्यात नोव्हेंबर 2023 मध्ये झालेल्या अवकाळी पावसामुळे झालेल्या पिकांच्या नुकसानीसाठी शासनाने 99 कोटी 78 लाख रुपयांचा निधी मंजूर केला आहे. येत्या काही दिवसांत ही रक्कम शेतकऱ्यांच्या खात्यात जमा होणार आहे.
अवकाळी पावसामुळे जिल्ह्यातील 890 गावांतील 67 हजार 866 शेतकऱ्यांचे नुकसान झाले आहे. यापैकी ६५ हजार ८४९ शेतकरी मदतीसाठी पात्र ठरले आहेत. द्राक्ष व कांदा पिकांचे सर्वाधिक नुकसान झाले आहे. 11 हजार 597 हेक्टरवरील द्राक्ष पिकांचे तर 10 हजार 408 हेक्टरवरील कांदा पिकांचे नुकसान झाले आहे. याशिवाय भात, गहू, टोमॅटो, भाजीपाला, मका, ऊस या पिकांचेही नुकसान झाले आहे.
नोव्हेंबरमधील नुकसानीसाठी सरकारने सुधारित दराने दोनऐवजी तीन हेक्टरपर्यंत दिलासा दिला आहे. ही मदत राज्य आपत्ती प्रतिसाद निधीतून वितरित केली जाईल. जिल्हाधिकाऱ्यांनी संगणकीकृत प्रणालीत लाभार्थ्यांची माहिती भरून ही रक्कम वितरित करायची आहे.
या निर्णयानुसार नाशिक विभागातील १ लाख ७ हजार ४९१ बाधित शेतकऱ्यांसाठी १४४ कोटी दहा लाख रुपयांचा निधी मंजूर करण्यात आला आहे. यामध्ये नाशिक जिल्ह्यातील ६५ हजार ८४९ शेतकऱ्यांना सर्वाधिक ९९ कोटी ७८ लाख रुपयांचा निधी मंजूर करण्यात आला आहे. याअंतर्गत नगर जिल्ह्यातील २१ हजार ६८३ शेतकऱ्यांना २८ कोटी ३७ लाख रुपयांची रक्कम मिळणार आहे.
आपला बळीराजा : WhatsApp Group वर सामील होऊ शकतात.
