Krushi Bhavan : कृषी विभागाची सर्व कार्यालये एकाच छताखाली उपलब्ध करून देण्याचे जिल्ह्यातील शेतकऱ्यांचे स्वप्न आता साकार होणार आहे. तालुका, जिल्हा आणि विभागीय स्तरावर ‘कृषी’ची सर्व कार्यालये एकाच ठिकाणी आणण्यासाठी कृषी भवन बांधण्यास राज्य शासनाने मान्यता दिली आहे. तालुकास्तरावर इगतपुरी, दिंडोरी, मालेगाव, येवला आणि चांदवड अशा पाच ठिकाणी कृषी भवन उभारले जाणार आहेत.
पाचही तालुक्यांमध्ये कृषी इमारतींसाठी निधी मंजूर करण्यात आला असून तीन वर्षांत टप्प्याटप्प्याने त्याचे वितरण करण्यात येणार आहे. नाशिक येथील विभागीय कृषी सहसंचालक कार्यालयाच्या नवीन इमारतीचे काम सध्या शिंगडा तलाव परिसरात कृषी अधीक्षक कार्यालयाच्या आवारात सुरू आहे.
त्यामुळे कृषी विभागाची तालुका, उपविभागीय, अधीक्षक आणि विभागीय सहसंचालक कार्यालये आता एकाच आवारात असतील. तसेच बियाणे नियंत्रण व खत नियंत्रणासाठी विभागीय सहसंचालक कृषी मुख्यालयात खत चाचणी प्रयोगशाळा, जैविक कीड नियंत्रण प्रयोगशाळा, माती परीक्षण प्रयोगशाळा आणि कीटकनाशक चाचणी प्रयोगशाळा उभारण्यासाठी कृषी विभागाने 14.82 कोटी रुपयांच्या निधीला प्रशासकीय मान्यता दिली आहे. कृषी विभागाच्या कीटकनाशक व कीटकनाशक प्रयोगशाळा याच परिसरात असतील.
तालुक्यातील येवला तालुका कृषी अधिकारी कार्यालय, तीन विभागीय कृषी अधिकारी कार्यालये व फळ रोपवाटिका, कृषी भवन इमारत बांधकामासाठी 13.85 कोटी रुपयांच्या प्रस्तावास प्रशासकीय मान्यता प्राप्त झाली आहे. मालेगाव उपविभागीय कृषी अधिकारी कार्यालय, तालुका कृषी अधिकारी कार्यालय, चार विभागीय कृषी अधिकारी कार्यालये आणि तालुका फळ रोपवाटिका यासाठी 6.52 कोटी रुपयांचा निधी मंजूर करण्यात आला आहे.
तालुक्यातील वडाळीभोई, दुगाव व चांदवड येथील चांदवड तालुका कृषी अधिकारी कार्यालय इमारत व मंडल अधिकारी कार्यालय तसेच कृषी इमारत बांधकामासाठी 14.67 कोटी रुपयांचा निधी प्राप्त झाला आहे. त्याची प्रशासकीय मान्यता मिळाली आहे. दिंडोरी तालुका कृषी अधिकारी कार्यालय, वणी, उमराळे व दिंडोरी येथे मंडल अधिकारी कार्यालये बांधण्यासाठी 10 कोटी तर इगतपुरी येथे कृषी भवन इमारत बांधकामासाठी 10 कोटी रुपयांची प्रशासकीय मान्यता प्राप्त झाली आहे.
आपला बळीराजा : WhatsApp Group वर सामील होऊ शकतात.
