Majhi Ladki Bahin Yojana : महाराष्ट्र सरकारच्या महत्वाकांक्षी ‘मुख्यमंत्री माझी लाडकी बहीण’ योजनेला पुणे जिल्ह्यात उत्स्फूर्त प्रतिसाद मिळत आहे. जिल्हा परिषदेमार्फत या योजनेसाठी अर्ज भरून घेतले जात असून, आतापर्यंत एकूण १ लाख ३४ हजार ४९८ अर्ज प्राप्त झाले आहेत.
मुख्य कार्यकारी अधिकारी संतोष पाटील यांनी ही माहिती दिली. त्यांनी सांगितले की, यापैकी ८९ हजार ९७ अर्ज ऑफलाइन पद्धतीने आणि ४५ हजार ४०१ अर्ज ऑनलाइन पद्धतीने प्राप्त झाले आहेत.
तालुकावार अर्ज संख्या:
आंबेगाव: १६ हजार २७६
बारामती: १७ हजार ५०९
भोर: ४ हजार ३७६
दौंड: ७ हजार १०८
इंदापूर: १० हजार ८४
हवेली: १० हजार ६६५
जुन्नर: १२ हजार ८४३
खेड: १० हजार ३४
मावळ: १३ हजार १८३
मुळशी: ५ हजार ४५६
पुरंदर: ९ हजार ७१८
शिरूर: १५ हजार ८४२
वेल्हा: १ हजार ४३४
अर्ज भरण्याची प्रक्रिया: Majhi Ladki Bahin Yojana
गावातील अथवा त्या-त्या वॉर्डातील सर्व पात्र लाभार्थ्यांचे ऑफलाइन पद्धतीने अर्ज अंगणवाडी सेविकांकडे जमा करण्यात येत आहेत. सर्व नोंद झालेल्या लाभार्थीच्या नावांचे प्रत्येक शनिवारी चावडी वाचन केले जाईल. यात आक्षेप असल्यास पात्र, अपात्रतेबाबत गाव पातळीवरच खातरजमा करून तालुकास्तरावर समितीद्वारे अंतिम मान्यता दिली जाणार आहे.
जिल्हा प्रशासनाचे आश्वासन:
जिल्ह्यातील सर्व पात्र लाभार्थ्यांना या योजनेचा लाभ मिळावा, यासाठी प्रशासन प्रयत्नशील आहे. कोणतीही पात्र महिला योजनेच्या लाभापासून वंचित राहू नये याची काळजी घेतली जात आहे, असे पाटील यांनी सांगितले.
या योजनेचा उद्देश:
महिला सक्षमीकरण
लैंगिक समानता
महिलांच्या आर्थिक स्थिती सुधारणे
या योजनेच्या माध्यमातून महिलांना दरमहा निश्चित रक्कम दिली जाणार आहे. यामुळे महिलांच्या हातात अधिक पैसे येतील आणि त्यांच्या जीवनमानात सुधारणा होईल.
WhatsApp Group वर सामील होऊ शकतात.
