शेतकरी मित्रांनो, तुम्ही सुद्धा तुमच्या डोक्यावरचं कर्जाचं ओझं कधी कमी होईल, याची चातकासारखी वाट पाहत आहात का? गेल्या काही दिवसांपासून निसर्गाच्या लहरीपणामुळे शेतीचं मोठं नुकसान झालंय. अशातच आता राज्य सरकार थकीत आणि नियमित कर्जदार शेतकऱ्यांसाठी (Niymit karjdar shetkari karjmafi) एक मोठी आणि दिलासादायक योजना घेऊन येत आहे. पण थांबा! सरकार कर्जमाफी द्यायला तयार आहे, पण तुमचा एक निष्काळजीपणा तुम्हाला या योजनेतून बाहेर काढू शकतो. नेमकं काय घडतंय आणि तुम्ही काय करणं गरजेचं आहे? चला, सविस्तर समजून घेऊया.
बँका आणि प्रशासनाकडून सध्या एका गोष्टीसाठी वारंवार आवाहन केलं जातंय, ते म्हणजे- तुमची माहिती बँकेत जमा करा. यामध्ये तुमचा आधार क्रमांक, फार्मर आयडी (Farmer ID) आणि बँक खात्याशी लिंक असलेला मोबाईल नंबर या गोष्टी प्रामुख्याने मागितल्या जात आहेत. पण धक्कादायक बाब म्हणजे, अजूनही हजारो शेतकऱ्यांनी ही माहिती बँकेला दिलेलीच नाही!
वेळ खूप कमी आहे, गांभीर्याने घ्या! सध्या वृत्तपत्रे आणि मीडियाच्या माध्यमातून बँका शेतकऱ्यांना माहिती जमा करण्यासाठी हाका मारत आहेत. पण बरेच शेतकरी याकडे दुर्लक्ष करत आहेत. लक्षात ठेवा, २३ फेब्रुवारी २०२६ ला राज्याचं अर्थसंकल्पीय अधिवेशन सुरू होतंय आणि ६ मार्चला राज्याचं बजेट (अर्थसंकल्प) मांडलं जाणार आहे. या बजेटमध्ये कर्जमाफीसाठी मोठी तरतूद केली जाण्याची दाट शक्यता आहे. त्यामुळे २३ तारखेच्या आधी सरकारला हा सगळा डेटा गोळा करायचा आहे.
जर तुम्ही वेळेत माहिती दिली नाही, तर कर्जमाफीच्या यादीतून तुमचं नाव वगळलं जाऊ शकतं किंवा तुमचे पैसे यायला खूप मोठी अडचण निर्माण होऊ शकते.
बातमीचे महत्त्वाचे मुद्दे (Key Points):
- तातडीची कारवाई: २३ फेब्रुवारीच्या आधी तुमची बँक आणि कर्जाची माहिती सोसायटी किंवा बँकेत जमा करणे आवश्यक.
- आवश्यक कागदपत्रे: आधार कार्ड, फार्मर आयडी आणि आधारशी जोडलेला मोबाईल नंबर.
- बजेटकडे डोळे: ६ मार्चच्या अर्थसंकल्पात कर्जमाफीची मोठी घोषणा होण्याची शक्यता.
- धोका काय? माहिती न दिल्यास थकीत आणि नियमित कर्जदार कर्जमाफीच्या लाभापासून वंचित राहू शकतात.
- सध्याचा नियम: जून २०२५ पर्यंत थकीत असलेली कर्ज आणि सप्टेंबर २०२५ पर्यंतची वसुली यांचा डेटा सध्या मागवला जात आहे.
शेतकरी संघटनांची नवीन मागणी काय? सध्या सरकार जून २०२५ पर्यंतच्या थकीत कर्जाचा विचार करत आहे. पण शेतकरी नेते आणि संघटनांनी एक लावून धरली आहे की, २०२५ मध्ये ज्यांनी नव्याने कर्ज घेतलंय किंवा जे ‘नियमित कर्जदार’ आहेत, त्यांनाही या कर्जमाफीचा फायदा मिळालाच पाहिजे. सूत्रांकडून मिळणाऱ्या माहितीनुसार, सरकार या मागणीचा सकारात्मक विचार करत असून, लवकरच यावरही काहीतरी मोठा दिलासा मिळण्याची शक्यता आहे.
आता पुढे काय करायचे? मित्रांनो, अजिबात वेळ घालवू नका. तुम्ही कर्जदार असाल, तर आजच तुमच्या सोसायटीचे सचिव किंवा बँकेच्या वसुली अधिकाऱ्याला भेटा. त्यांना विचारपूस करा की तुमची कागदपत्रे क्लिअर आहेत का? एवढंच नाही, तर तुमच्या गावात, नात्यात कोणी असे शेतकरी असतील ज्यांना या गोष्टीची माहिती नाही, त्यांनाही हा निरोप द्या. एकाच्याही हक्काची कर्जमाफी बुडता कामा नये!
वाचकांसाठी माझा एक प्रश्न: तुम्ही तुमची कागदपत्रे (आधार, फार्मर आयडी) बँकेत जमा केली आहेत का? की बँकेत गेल्यावर तुम्हाला काही वेगळ्याच अडचणींचा सामना करावा लागतोय? खाली कमेंट करून नक्की सांगा, तुमच्या प्रश्नांना आपण वाचा फोडूया!
PM Kisan Update: २२ व्या हप्त्यापूर्वी ‘फार्मर आयडी’ आणि ‘ई-केवायसी’ बद्दलची सर्वात मोठी बातमी!