
Rain Update : उत्तर महाराष्ट्र, मराठवाडा, विदर्भात वादळी पावसासह गारपीट झाली आहे. अनुकूल हवामानामुळे राज्यातील किमान तापमानात वाढ झाली आहे. ढगांच्या आच्छादनामुळे उष्णता वाढली आहे. आज (दि. 28) विदर्भात तुरळक ठिकाणी पावसाची शक्यता आहे. दरम्यान, राज्याच्या उर्वरित भागात ढगाळ आकाशासह उष्ण आणि दमट हवामानाचा अंदाज हवामान विभागाने वर्तवला आहे.
राज्यातील वातावरणात झपाट्याने बदल होत असल्याचे दिसून येत आहे. निफाड, धुळ्यात गारपीट कमी होऊन किमान तापमान पुन्हा 10 अंशांच्या वर गेले आहे. दुपारी वाढत्या उन्हामुळे मंगळवारी (ता. 27) सकाळपर्यंतच्या 24 तासांत सांताक्रूझ येथे सर्वाधिक 37.5 अंश सेल्सिअस तापमानाची नोंद झाली. पुणे, सोलापूर, अकोला येथील तापमान ३५ अंशांच्या वर आहे. राज्यात ढगाळ वातावरण असून उष्मा वाढला आहे.
पूर्व-मध्य अरबी समुद्रापासून पूर्व राजस्थानपर्यंत कमी दाबाचा पट्टा सक्रिय आहे. दक्षिण कर्नाटक ते मध्य महाराष्ट्रापर्यंत कमी दाबाचा पट्टा तयार झाला आहे. त्यामुळे मध्य भारत आणि महाराष्ट्रात ढगाळ वातावरण आहे. राज्यात आज (ता. 28) ढगाळ आकाशासह उष्ण व दमट हवामानाचा अंदाज आहे. विदर्भात काही ठिकाणी पावसाची शक्यता हवामान खात्याने वर्तवली आहे.
आजचा हवामान अंदाज | Paus Andaj
हवामान खात्याने आज विदर्भातील चार जिल्ह्यांत पावसाचा यलो अलर्ट जारी केला आहे. अकोला, अमरावती, बुलडाणा आणि नागपूर जिल्ह्यात काही ठिकाणी विजांच्या कडकडाटासह हलक्या पावसाचा पिवळा इशारा जारी करण्यात आला आहे. भंडारा, वर्धा, वाशिम, यवतमाळ जिल्ह्यांतही काही ठिकाणी हलका ते मध्यम पाऊस पडण्याची शक्यता आहे. तसेच मराठवाड्यातील छत्रपती संभाजीनगर, जालना, परभणी, बीड, हिंगोली जिल्ह्यांत हलक्या पावसाचा अंदाज हवामान विभागाने वर्तविला आहे. तसेच उर्वरित भागात तूरळक ठिकाणी पाऊस पडू शकतो.
आपला बळीराजा : WhatsApp Group वर सामील होऊ शकतात.
